Озак еллар “Идел-Пресс” басмаханәсен җитәкләгән Ислам Әхмәтҗанов бу көн­нәрдә туган ягы Буа районының үзәк ки­тапханәсенә бер мең китап бүләк иткән. Әйтергә кирәк, бу – Ислам әфәнденең ел саен башкарыла торган күркәм гамәле. Туган авылы китапханәсендә аның үз почмагы бар. “Китап ул борын-борыннан могҗиза булды, һәм иманым камил, киләчәктә дә шулай булып калыр. Китап сине исертергә дә, айнытырга да мөмкин. Кәгазь китапның киләчәге өметсез, дип тәкрарлаучылар белән һушымнан язганчы бәхәсләшергә әзермен, – ди Ислам Әҗмәтҗанов. – Электрон китапларны хурларга җыенмыйм, әм­ма Галиҗәнап Китапны беркайчан да, бернәрсә дә алыштыра алмастыр. Халыкны кабаттан китапка кайтарырга кирәк. Әдә­бият елында районыбызның ерактагы авылларына 200-300әр китап бүләк итү ниятем бар. Әстерхан татарлары да яңа басмалардан торган күчтәнәч алырлар, дип өметләнәм. Халкым укысын гына”.